Ur-hornidura, estolderia eta zaborrak bildu eta deuseztatzeko zerbitzuaren tasetan hobariak eskatzeko aukera dago

Aiurri 2022ko urr. 5a, 08:25

2023ko ur hornidura, estolderia eta zaborrak bildu eta deuseztatzeko zerbitzuaren tasetan hobariak eskatzeko epea ireki da jada, aurtengo azaroaren 2ra arte. Urtero eskatu daiteke, eta ez du atzeraeraginik izango.

Hobaria emateko irizpideak ondorengoak izango dira:

Familia unitatearen diru-sarrera urteko 12.600 € baino txikiagoa bada %90eko hobaria.
Familia unitatearen diru-sarrera urteko 12.600 € - 19.812,80 € artekoa bada, %50eko hobaria.
Kontuan izango dira bizikidetza unitateko kide guztien ondarea eta ondasun higigarriak.

Interesdunek eskuragarri izango dute hobarien inguruko informazioa eta eskaera orria Urnietako udaletxeko Bertan bulegoan.

Gizartea Urnieta

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!