Urnieta Quel Abogados emakumezko senior taldeak Orio Eskubaloia bigarren sailkatuari irabazi zion (24-23) partida parekatu eta zirraragarri batean, batez ere, neurketaren azken minutuetan. Lehen zatian urnietarrak izan ziren markagailuan aurrea hartu zutenak (13-11, atsedenaldian), baina bigarren zatian, oriotarrek lehia berdintzea lortu zuten, partidako azken segundora arte. Horrela, urnietarrak sailkapeneko seigarren postuan jarri dira, Eibar Eskubaloia liderrarengandik 3 puntura. Partida bat gutxiago jokatu dute, beraz, oraindik, aukera handiak dituzte sailkapenean aurrera egiteko.
Emakumezkoen kadete mailako taldeak ere garaipena lortu zuen Aiala taldearen aurka, etxetik kanpo (14-28). Horiek horrela, sailkapenean aurrera egitea lortu dute, maila handiko denboraldian. Bestalde, gainontzeko taldeek porrot egin zuten jardunaldi honetan.