Hitzaurrea eta zenbait ohar lagun, hiru alek ondu dute obraren bizkarrezurra:
- Lehen alea: 1968-1981 urte bitarteko lehen hiru liburuak.
- Bigarren alea: 1990-2008 arteko hiru liburuak, bere ibilbideko azkenak.
- Hirugarren alea: abestiez nahiz poema solteez gain, argitaragabeko bi poema-sail eta beste hainbat abesti eta itzulpen."Argi esan behar dugu ez ditugula zirriborro moduan zeuden poemak hemen argitaratu" diote, xehetasunak eman nahi aldera, antolatzaileek, "alegia, argitaragabeak izanik ere, inprimatzeko moduan zeuden testuak soilik sartu dira, ez agendetan, paper solteetan eta abarretan dauden eskuz idatzirikoak edo testu zatiak".