Iragan asteburuan eskubaloiko gizonezkoen senior eta jubenil taldeak soilik lehiatu ziren ligan. Urnieta Artola Harategia taldeak galdu egin zuen Txikipolit Zarautzen aurka, larunbat arratsaldean (31-24). Urnietarrak partidan sartuta mantendu ziren, nahiz eta, atsedenaldian, 3 goleko abantaila lortu zuten etxekoek (14-11). Bigarren zatiaren hasieran UKEko mutilek erritmoa eutsi zuten, baina zarauztarrek 5 minututan 6-0eko partziala lortu eta garaipena bideratuta utzi zuten.
Urnietako Guria Jatetxea taldeak ere ez zuen zorterik eduki; galdu egin zuten Legazpiko Karibe Zaharraren aurka, Bikuña kiroldegian (24-19). Urnietarrek ezin izan zuten garaipenarekin hasi multzoen faseko bigarren itzulia.