Emakumezkoen senior eskubaloi taldeak, Urnieta Quel Abogadosek, garaipen garrantzitsua lortu zuen etxetik kanpo, larunbat arratsaldean, Ordizian. 18-24 irabazi zion Ordiziako Biok2.com taldeari. Urnietarrak aurretik mantendu ziren beti markagailuan. Garaipen horri esker, urnietarrak seigarren postuan kokatu dira. Alde handia dirudien arren, liderretik 3 puntura soilik kokatuta daude.
Gizonezkoen Artola Harategia taldeak ere konpromiso garrantzitsua zuen larunbat arratsaldean, Alkar Taberna Corazonistas taldearen aurka. Lehen minutuetan markagailua nahiko parekatuta egon zen arren, atsedenaldira iritsi aurretik bisitariek abantaila hartzea lortu zuten (13-16). Bigarren zatian, gasteiztarrek abantaila hori handitzen jarraitu zuten, urnietarrei partidari berriro lotzeko aukerarik eman gabe.
Jubenilek, kadeteek eta infantilek ere galdu egin zituzten asteburuko partidak.