Astelehenetik asteazkenera, 8 eta 11 urte bitarteko 14 neska-mutilek parte hartu zuten kanpusean, eta bertan, eskubaloiko jokalariek eta entrenatzaileek zuzenduta, eskubaloiaren gainean ikasi zuten jokoen eta partiden bitartez.
Horrez gain, abenduaren 30ean (ostirala), arratsaldean, Gabonetako Torneoaren hamahirugarren edizioa jokatu zen, Covidaren bi urteko geldialdia gainditu ostean. Arratsaldea, Urnieta eta Saieko eskolen arteko lagunarteko topaketa batekin hasi zen. Ondoren, emakumezko kadete eta gazte mailako hiru taldeen arteko partidak jokatu ziren, baita emakumezko haur mailako lau taldeen arteko partidak ere.