Urnieta Quel Abogados taldeak hirugarren postuan amaitu du denboraldiko lehen itzulia

Haizea Lekuona, Urnieta Quel Abogados taldeko jokalaria

Urnieta Quel Abogados taldeak garaipen garrantzitsua eskuratu zuen asteburuan, eta hirugarren postuan amaitu zuen lehen itzulia. Bestalde, Urnieta Artola Harategia gizonezkoen taldeak ezin izan zuen garaipena eskuratu. 

Emakumezkoen senior taldea hirugarren postua sailkatu da Txingudi Zubiederra taldeari irabazita (20-22). Lehen itzulia amaituta, podiuma eskuratu dute. Urnietarrak aurretik joan ziren partida osoan, eta, bigarren zatian, abantaila 5 golekoa izatea lortu zuten; hala ere, Irungo taldeaklan handia eman zuen azken minutura arte, eta emaitza estutzea lortu zuten.

Urnieta Artola Harategia taldeak galdu egin zuen Petronor Muskiz taldearen aurka (29-21). Talde bizkaitarra azken aurreko postuan kokatuta zegoen, eta sailkapen hori baliatuta urnietarrek garaipena eskuratu nahi zuten. Muskizeko taldeak maila handia erakutsi zuen etxean eta gipuzkoarren ezin izan zuten askorik egin; zortzi goleko aldeagatik gailendu ziren aurkariak.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!