Elizdorreko ordulariari koplak
Eliz dorrean kokatzen
horrelakoak tokatzen,
bertan dagoen erlojuari
hasi gaitezen koplatzen.
Hirurak hamar gutxitan
asko edo ta gutxi dan,
urnietarrak galdetzen dute
“paroan” nola utzi dan.
Bakoitza bere lanetan
erakusten da obretan,
Elizak ez du ezer jakin nahi
ta Udala oporretan.
Geldirik dago gaitzakin
nola konpondu ez jakin,
hemen eskuak garbitzen dira
bate bestean aitzakin.
Eliz dorrean lo dago
laguntzik ez daukalako,
hemen dirua maitatutzen da
Jainkoa baino gehiago.
Elkartzen dira elkartzen
traturik ez da erditzen,
martxan ez dute jarriko baina
denbora ez da gelditzen.
Ta non jarriko arrastoa
garia edo lastoa,
ta diotenez goseak hil zun
bi nagusiren astoa.
Pulpitutikan ulua
ajatu zaio lujua,
urte batzutan ez da jarriko
martxan gure erlojua.