Senitartekoen lagunek agurra dantzatu ondoren, elkartasunezko hitzak izan dituzte, besteak beste, Zanpatuz mendi elkarteak, Egape Ikastolak, eta, omenduarekin batera, Espainiako Mendi Kirol eta Eskalada Federazioko kide ziren hiru lagunek.
Bide berean, Agirreren gertukoenek ere hitza hartu dute, Fermin Argiñarena urnietarrak bertsoa abestu ostean: amak hiru poema eskaini dizkio, baita kuadrillako lagunek maitasunez betetako hitzak ere. Goxotasun handiz zuzendu zaio anaia eta Andoaingo abesbatzak eman dio amaiera, Mikel Laboaren Txoriak txori abestiarekin, lore-eskaintza egiten zen bitartean.
