Gipuzkoako Foru Aldundiko Gazteria Zuzendaritzak “Treba gurasoak” prestakuntza ekimena jarri zuen martxan aurreko ikasturtean gurasoak hezkuntza-gaitasunetan trebatuz, haurren eta nerabeen bizi-kalitatea eta aukerak hobetzeko.
Horietako lehenaren izenburua “seme-alaben autoestimua elikatzen” izango da eta Nerea Mendizabalek emango du. Autoestimuak bizitzako alor desberdinetan eragiten eragiteko modua aztertzea izango du xede. Hau da, "nola ikusten dut seme alaba?", "nola deskubritzen dut nor den bere jokabide edo emaitzekin baldintzatu gabe?" edota "nola lagundu diezaioket bere buruan konfiatzen?"
Izena ematea otsailaren 15 eta 22 bitarte
Hitzaldia martxoaren 2an emango da, 17:30ean, kiroldegiko boxetako gela balioanitzean, eta bertan parte hartzeko interesa dutenek izena eman beharko dute otsailaren 15 eta 22 bitartean. Horretarako 3 aukera egongo dira:
• Presentzialki: Gaztelekua, Bertan eta Gazte Informazio Puntua
• Telefonoa: 943008033
• Posta: gazteinformazioa@urnieta.eus