Ezkurra IIk Kutxabank Master txapelketako ligaxkaren lehen bi partidak galdu ditu Barrenetxea eta Ansaren aurka, eta honezkero finaletik kanpo geratu da. Ligaxkako hirugarren partida Barrenetxea eta Ansa faboritoen artekoa izango da, eta asteburu honetako partida sailkapena erabakitzea besterik ez da geratuko. Biak, emaitzak emaitza, otsailaren 18ko finalean baitira.
Iazko finala errepikatuko da, beraz. Orduko hartan Barrenetxea nagusitu zen eta oraingoan ere bere nagusitasuna erakutsi nahiko du. Baina Ansa ate joka dator eta berandu baino lehen txapela eskuratuko du. Beharbada, datorren otsailaren 18an.