Matxura izan zen atzo Lategi auzoaren zati bat eta Igerategiko eremua hartzen dituen ur-hornidura sarean. Hodia hautsi da eta Xoxokara igotzeko errepidearen hasierako zati bat hondoratu egin zen, tren-geltokitik gertu. Hala, eraberrize-lanei ekin zioten, eta gaur goizean ere lanean izan dira buru-belarri. Bitartean, errepidea seinaleztatuta dago eta semaforo batek kontrolatzen du trafikoa, txandakako pasabidearekin.