Ekainak 15, beste behin. Eta gu plazan bildu gara, beste urte batez. 35 urte igaro dira Juankar Alberdi Martirena hil zenetik, Herrera de la Mancha udalerriko kartzelan hil zenetik.
Askatasunaren alde lerratu ostean, 1979an atxilotua eta espetxeratua izan zen. 9 urte kartzelan, eta mediku asistentzia faltagatik hil zen: 1988ko ekainaren 14an ondoezik zegoela komunikatu zion presondegiari, eta arretarik jaso gabe, ekainaren 15ean hilik agertu zen ziegan. 30 urte zituen.
Dagoeneko 35 urte pasa dira, eta Juankarrek ez du tokirik gure herriko kaleetan. Ez du apenas tokirik gure memorian, urteak pasa ahala, belaunaldiak sortu eta desegiten doazen heinean, oroitzapenak ilunpetan gordetzen doaz eta.
Baina hain juxtu horregatik gaude gaur hemen: urtean egun batez bada ere, Juankarrek pairatutako injustizia azaleratzeko.
Urtean behin bada ere, berak kartzelan jotzen zuen gitarrak, musika egiten jarraitzen duela berresteko, eta pendiente geratu zitzaizkion doinuak jotzen jarraitzeko.
Eta, hemen gaude, herriko plazan, urtean behin bada ere, Juankar Alberdi Martirenaren bizitza eta borroka oroitzeko: berak aurrera eramandako borrokaren lekukoa estu helduta, garaipenerarte!
Bi bertso ere abestu dituzte Alberdiren omenez:
| Borrokak beste asko bezela Juankar eamantzun berekin Ordun etzuten onartu eta gaur jarraitzen degu berdin besteen katetik aske izateko guk behar diogu ekin gure historia ezagutzeko egin hainbeste ahalegin herri honetan pasatakoa sekula ahaztu ez dedin |
Juankar kartzelan hiltzen utzita |
Poema bat ere ekarri dute gogora:
Idazten dut
neure burua sartu dudan kartzela honetatik eskapatzeko
idazten dut
giltzaz itxitako gelak eta komunak eta armairuak irekitzeko
idazten dut
beti zarratuta dauden leihoetan zirrikitu bat zabaltzeko
idazten dut
ziega pareta-zuri hau urratzeko
(haizea sar dadin
behintzat
arnasa apur bat
hartu dezadan)
idazten dut
neure burua zulatu eta
barruan
burmuina jaten ari zaidan zizare lodi hori
aliketa batzuekin hartu eta erauzteko
idazten dut
ez dakit zertarako baina
idazten dut.
Bestalde, hilaren17an, mendi-irteera antolatu dute: Adarra, Onddi, Buruntza eta Santa Barbara tontorrak zeharkatuko dituzte, omenaldi gisa. Ondoren, bazkaria izango da, eguerdiko 14:00tan. Ekainaren 11 izango da bertan izen emateko azken eguna, 695 737 423 idatzita edo hots eginda.
