Eskertza jaia antolatu du AEK-k, Mintzalagun proiektuak eta Zilegi Eskolak izandako harrera ona ospatzeko

Bertan, Mintzalagun proiektuan parte hartu dutenak eta Zilegi Eskoletan aritu direnak elkartuko dira, jai giroan. Herriko beste eragile batzuek ere hartuko dute parte: bertso-eskolako kideek, musika eskolako trikitilariek eta Kantazaun taldekoek, hain zuzen ere. 

Ekimenak bertatik bertara ezagutzeko, datorren ikasturterako izena emateko eta jai giroan tarte atsegina gozatzeko aukera izango da, bertan. Horrez gain, jan-edanerako eta opariren bat jasotzeko aukera ere izango dute gerturatzen direnek. Deialdi irekia da eta beraz, Urnietako herritarrak bertaratzeko gonbidapena egin dute antolatzaileek. Halaber, Urnietako Udalak, Biak kafetegiak, Celtic´s tabernak eta BM supermerkatuak emandako laguntza eskertu nahi izan dute