Urnietako Udalak adierazi duenez, bi alderdiek beren programetan komunean dituzten lan-ildoak dira hitzarmenaren muina. Hala, adineko pertsonen arreta, etxebizitzaren auzia, gazteen beharrak, Bigarren Hezkuntzako eraikin berriaren eraikuntza eta beste hainbat lan-ildo jorratzea dute xede biek ala biek.
Arduren banaketa
EAJk hirigintza, antolakuntza, kultura, turismoa, merkataritza, berdintasuna, gazteria, hezkuntza eta euskara kudeatuko ditu, eta PSE-EEk, berriz, trantsizio energetikoa, gizarte-zerbitzuak, bizikidetza eta hirugarren adin. Gaur arratsaldean, ezohiko osoko bilkura egingo da, jendaurrean, Udalbatza berriaren eraketa egiteko.
Gobernu-akordioa lortu dute EAJ-PNV eta PSE-EE alderdiek
Datozen lau urteei begira, gobernu-akordioa hitzartu dute EAJ-PNV eta PSE-EE alderdiek, Urnietako Udalean. Hala, Jorge Segurado alkatea izango du buru koalizioak, Herme Gonzalez herriko sozialisten ordezkarien babesarekin.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!