Azaroan izango dute zaleek denboraldi berriaren berri. Aurten, zazpi pertsonaia berri izango dira Basakabin: Marina Ostolaza (Noa), Haizea Astrain (Lea), Xabier Elizalde (Aner), Ander Ayerza (Bosko), Unai Arana (Mattin), Unai Arrieta (Urtzi) eta Nerea Arriola (Maitane).
Telesailaren hamargarren urteurrenaren harira, "Basakabitik Mundura" abestia eta bideoklipa kaleratu du telesailak, Iker Lauroba musikariak sortuta. Hamarkada bateko ibilbidean ezagun egin diren abestien zatiekin osatu dute.