"Teresa Amuategi" gisa izendatu dute, gaur eguerdian, Maximo Yurramendi kaleko parkea. Emaginaren eta idazlearen etxearen alboan bildu dira gaur makina bat herrikide, inaugurazio-ekitaldian. 12:00etan, Danbolin Txistulari Bandaren erritmopean, San Juan plazatik abiatu dira, Txoko-Maitea pareraino. Bertan, agurra eskaini die Amuategiren senideei Egape Dantza Taldeak. Lore-eskaintzarekin biribildu dute hitzordua.