Garaipen bakarra Urnietako Quel Abogados seniorrek lortu zuten, Donibane Eskubaloia mendean hartuta(29-7). Urnietarrek partida bikaina jokatu zuten, hasieratik, aurkariak baino askoz gehiago izan ziren eta, defentsan erakutsitako intentsitateari esker, atsedenaldian partida ia erabakita utzi zuten, 12-2. Esanak esan, UKEkoek lanean jarraitu zuten abantaila handitzeko eta, batez ere, denboraldi luzeari begira sentsazio onak lortzeko.
Urnieta Artola Harategiak, aldiz, ezin izan zuen askorik egin Soraluce BKE taldearen aurka eta, azkenean, galdu egin zuten (27-21).