Urnietako Udalak zabaldutako oharraren arabera, eszena pornografikoen % 88,2k emakumeen aurkako indarkeria fisikoa edo hitzezkoa du: “Arazoa ez da gazteek eszena sexualak ikustea, indarkeriazkoak baizik, kontsumitzen ari diren pornoa bortitza baita, emakumeen aurkakoa”. Horrela, pornografia “indarkeria-eskola” bilakatzen ari delakoan da Urnietako udala, plazaratutako datuek diotenez, pornoarekin lehen harremana, bataz beste, 12 urterekin izan ohi dutelako haurrek: “Pornografia hori imajinario erotiko kolektibo bat eraikitzen ari da, non emakumeen aurkako indarkeriazko jarreren normalizazioa ematen den”.
Bide horretan, zenbait ekintza josi dituzte, azaroaren amaierari begira:
- “Mujeres mayores y violencia de género” hitzaldia: azaroak 23, 18:30, Lekaio kultur etxea, Areto nagusia. gaztelaniaz.
- Elkarretaratzea: azaroak 25, 12:00, San Joan plaza.
- Antzerkia “Menina, soy una puta obra de Velázquez”: azaroak 26, 19:00, Sarobe, gaztelaniaz eta doan. Bertan, Lodifobia eta indarkeria matxista lantzen dira. Azaroak 27an eskolentzako saio bereziak ere lotu dira.
- Emakumeen kontrako indarkeria matxistaren aurkako KAHOOT-ak eta horma morearen lanketa: azaroak 27, 17:00, Gaztelekua.