"Vamos que nos vamos" agurreko ikuskizuna, igande honetan Saroben

Golden Apple Quartet Saroben aritu da "Vamos que nos vamos" agurreko ikuskizuna prestatzen. Eduardo Errondosoro, Loyola Garmendia, Manu Romano eta Kike Ochoa laukotea igoko da taula-gainera, azken birari hasiera emateko. 40 urtez ibilbide oparoa egin dute, musika, antzerkia eta umorea ardatz hartuta. Eta, hori guztia, ahotsetik abiatuz eta gorpuztuz. Sare sozialetan taldeak honako mezu hau eskegi berri du: "Smokinga eskegiko dugu. Mundu erdia 300 abesti baino gehiagorekin eta 3.000 antzezpenekin zeharkatu eta gero, eta mundu erdiko telebistak bisitatu ondoren, bagoaz. Mila esker denori, atsegina izan da zuek irribarre egiten ikustea".