Behin marko teorikoa zehaztuta, ekintzetara jauzi egiteko asmoa dute proiektuan parte hartzen ari diren ikastetxeek: ikasleek elkarrekin egingo dute lan Garapen Iraunkorreko Helburuak lortzen lagunduko duen esku-hartze plan bat adostu eta gauzatzeko.
Hala, azaroaren hasieran, eskolen arteko foroa antolatu zen Lekaio Kultur Etxean. bertan, eztabaidatutako proposamen guztietatik bi erabaki ziren: Lehen Hezkuntzako ikasleek udalerriko puntu beltzen mapa berrituko dute; Bigarren Hezkuntzako ikasleek, berriz, energia-kontsumoari buruzko jardunbide onuragarriei eta elektrizitate-fakturak hobeto ulertzeko jarraibideei buruzko informazioa zabalduko dute herritarren artean.
Bide horretan, Udal ordezkariak joan den abenduaren 14an batu ziren ikasleekin udaletxean euren proposamen eta asmoen berri izateko.