Oriamendik horrela azaldu du partidaren hasiera: "Partida 7-0eko partzialarekin hasi zen Ansarentzat. Baina Saldiaskoak ez zuen etsi. Joko onarekin Juaneneak partida berdintzea lortu zuen, eta 17-18 aurretik jarri zen markagailuan". Maila handiko partida izan zen. Gakoa hutsik ez egitea da, elite mailako edozein lehiaketetan gertatu ohi den bezala. Eta Ansak segurtasun handiagoa erakutsi zuen. Jokoan biak parez pare ibili ziren, baina Juanenean huts gehiago egin zituen. Eta galdutako puntu horiei esker aurkariak bidea egiten du aurrera.
Ostiral honetan, 18:00tan hasita
Garaipen horrekin Ansak lau puntu lortu ditu ligaxkan. Ostiral honetan Ansa II-Azpirozen artekoa jokatuko da Galarretan. Aukera berria urnietarrarentzat.