Iaz, 1. Erregional mailatik Gorengora igotzeko balentria egin zuten eta, aurten, maila berriari neurria hartzeko lanak dituzte. Erronka argia du taldeak aurretik: mailari eustea. Berdintasun handia dago talde gehienen artean, eta hurrengo asteetan hiru talde utzi behar dituzte atzean.
Talde izaera indartsua du Urnietak, eta futbola pasioz bizi duen entrenatzailea. Erronka ez da erraza izango, baina lehiatzeko prest dira gorritxoak.