Lehen minututik norgehiagoka berdindua jokatu zuten gorritxoek, baina, azken txanpan, UKEkoek gehiago zirela erakutsi zuten. Atsedenaldira hiru goleko aldearekin iritsi ziren (11-8), nahiz eta erasoan ez ziren oso fin aritu.
Bigarren zatian are maila baxuagoa erakutsi zuten eta donostiarrek berdinketa lortzeaz gain, bi goleko abantailarekin aurreratu ziren markagailuan. Hamar minutu falta zirenean, urneitarrek gogor egin eta defentsa indartu zuten; neurri berean, donostiarrek nekeak jota intentsitatea jaitsi zuten. Bi faktore horiek kontutan hartuta, gorriek aurre hartu zuten eta garaipen garrantzitsua eskuratu zuten.