Urnietako Udalak dioenez, bi eraikinetako estalkiak "doan" utzi ditu. Horrela, proiektu horrek energia berriztagarria kontsumitzeko aukera eskaintzen die 213 etxeri nahiz negoziori: "Ingurumena errespetatzeaz gain, parte-hartzaileen faktura elektrikoetan % 25 aurreztea ere proposatzen du".
- Urnietako Udal Pilotalekua: 540 m²-ko azalera erabilgarrian, 180 eguzki-plakarekin, 81 kWp-eko potentzia sortuko da. Ondorioz, 122 etxebizitza eta saltoki txiki energia berriztagarriz hornitu ahal izango dira.
- Sarobe arte eszenikoen gunea: 405m²-ko azalera erabilgarrian, 135 eguzki-plakarekin, 60 kWp-eko potentzia sortuko da. Horrela, 91 etxe eta denda txiki energia berriztagarriz hornitu ahal izango dira.
Interesa dutenei begira, harremanetarako bi bide ipini ditu Urnietako Udalak herritarren eskura: web orri ofiziala bisitatzera edo, zuzenean, 946 856 312 zenbakira deitzea.