Ver esta publicación en Instagram
Apirilaren 23an adierazpenak eskaini zizkion Aiurriri
Mikel Iturria txirrindularia egonkor zegoen, Italiako Morgagni-Pierantoni erietxean. Hauxe bere lekukotza: “Helmugara iristeko 300 metroren faltan, RAI telebista kateko motoa errepidearen ezker aldean geratu zen. Ibilgailuei dagokion zeharbidea hartu ez zuenez, bertan geratzea erabaki zuen. Izan ere, motoak helmuga zapalduz gero isuna segurua du. Nire taldetxoa 8. postuaren lehian zegoen eta halakoren batean txirrindulari batek motoa jo eta nik ezin izan nuen libratzeko ezer egin. Lesioak baditut, eta une honetan txorkatila eta peronea eskaiolatu dizkidate. Etxera iristean errebisio berria egin beharko dut eta, ziurrenik, ebakuntza egin beharko didatela adierazi didate medikuek. Ospitalean egin behar dizkidaten proba guztiekin gaur amaitzea espero dut, eta hori eta gero etxerako itzulera antolatzen hasiko gara”.
Osatzea du helburu
"Ez dut buruan bizikleta", adierazi du solasaldi berean. Lehentasuna argia da, une hauetan: Zaurietatik erabat osatzea.
