Aipaturiko proiektu horrek komunitatean "eragin nabarmena" izango duela adierazi du Gobernuz Kanpoko Erakundeak: "Ur garbirako hurbileko sarbidea bermatzean, herriko haurrek egunero ura lortzeko kilometro luzerik egin behar ez izaten lagunduko diegu, horrela eskolara joan ahal izango dute".
Padel-txapelketa
Goizeko 9:00etatik aurrera jokatuko da Urnietako udal kiroldegian eta antolatzaileek adierazi dutenez maila guztiei begirako hitzordua izango da. Bikote bakoitzak 30 euro ordaindu beharko ditu izena ematean eta ongi-etorri poltsa jasoko du opari.
Elkartasun bazkaria
Musika lagun, padelean jokatu nahi ez dutenek ere izango dute zer gozatua. Izan ere, Basque Culinary Centerreko ikasleek prestatutako paellaz gozatzeko aukera izango da 13:00etatik aurrera, Zubitxo plazan. Jada, eskuragarri daude sarrerak, 10 euroko kostuan, Guria zein Matxo tabernetan eta London hizkuntza-akademian.
 |
 |