Desbideraketak A15 errepidean, asteburuan hasita

Aiurri 2024ko ira. 27a, 07:46

Segurtasun neurriak bermatzeko lanak abiatzear dira A15 errepideko tuneletan, Beterri-Aiztondotik gertu. Gorosmendiko tunela, Donostiarako noranzkoan, eta Oindolarrekoa, Iruñerako noranzkoan, itxi egingo dira eta trafikoa by-pass bideratuko da. Luzerako joko du egoerak, gainera. Aldundiak iragarri duenez lanen iraupena zortzi hilabete eta erdikoa izango da.

Aldundiak hainbat erabaki hartu ditu:

Galiboa 4,5 m-ko altuerara eta 3 m-ko zabalerara mugatuko da.
Ibilgailu astunek Tolosatik Lekunberrira doan GI-2130 errepidetik joatea debekatua izango dute, hortaz, N-I errepidea hartu beharko dute ordezko bide bezala.
Berastegi, Elduain edo Berrobi bezalako tokiko helmugak dituzten A-15 autobiako erabiltzaileek soilik egin ahal izango dute bira Berastegiko lotunean, ondoren GI-2130 errepidetik (Tolosa-Leitza errepidea) zirkulatuz helmugaraino iristeko.
Nafarroatik Gipuzkoarako ibilbide luzeetarako, N-I errepidea gomendatuko da Altsasuraino, Irurtzunen A-10 autobia hartuz (Sakanako autobia).
Gipuzkoatik Nafarroarako ibilbide luzeetarako, Iruñerako noranzkoko bidea ixtearen ondorioz, A-15 autobiako erabiltzaileek N-I errepidetik jarraitu beharko dute, Gasteizerantz, Altsasuraino, eta A-10 errepidetik jarraitu (Sakanako autobia) Irurtzuneraino.
Lekunberrira edo Leitzara doazenek, GI 2135 errepidea (Tolosa-Lekunberri), Tolosan barrena, erabili ahal izango dute, aukeran.

Gizartea Urnieta

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!