Auto klasikoen VI. ibilaldia egingo da Urnietan, Xoxoka Motor Klubak antolatuta. Larunbatean izango da hitzordua, goizeko 09:00tatik aurrera. Idiazabal kalean egiaztapenak egin ostean, goizeko 11:00tan abiatuko dira lehen parte-hartzaileak, Hernani alderantz eta eguerdiko 14:00tan aurreikusten da iritsiera. Horietako batzuen zeharkaldia kronometratua izango da. Hori amaituta, bazkaria ere egongo da aukeran eta horren ondoren etorriko da sari-banaketa.
Idiazabal kalean trafiko mozketak egingo dira urriaren 5eko 09:00etatik urriaren 6ko 08:00etara. Hori horrela, zenbait aparkaleku ere itxiko ditu Udaltzaingoak. Bien bitartean, moldaketak egongo dira autobus-zerbitzuan, bi geldialdi egongo baitira, soilik: Elkarteen Etxearen ondoko biribilgunean eta Ermotegi zein Langarda bitarteko biribilgune berrian.
