Ezagutu aurrekontu parte-hartzaileetan gehien bozkatu diren hiru proiektuak

Aiurri 2024ko aza. 13a, 16:15

Azken txanpara iritsi da aurrekontu parte-hartzaileen prozesua: herritarrek gehien bozkatu dituzten hiru proiektuak aurkeztu ditu Urnietako Udalak. Orotara, 262 galdetegi jaso ziren urriak 14-27 bitartean eta horietatik 258 eman ziren ontzat. Bada, hirigintzako teknikariek 10 proiektu lehenetsi eta
gero, herritarrek izan dute azken hitza bozketa fasean.

Urnietako Udalak jakinarazu duenez, datorren urtean gauzatuko dira honako hiru proposamen hauek:

Etxeberri plaza (osasun zentroa, eguneko zentroa) hobetzea.
Etxeberritik Ierdi plazarako bidea argiztatzea.
Etxeberri plazan kirol gune bat jartzea.

Aipatutako hiru aldaketak egiteko 135.000 euro erabiliko ditu udalak. Beste 15.000 euroak, berriz, bi ikastetxeetako LH 6. mailako ikasleen proposamenen esku geldituko dira.

Gizartea Urnieta

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!