Ate-joka da Euskararen Nazioarteko Eguna. Hala, bezperako asteburuan, kalera atera zen Egape Ikastolako Aballarri guraso elkartea, euskararen aldeko aldarrikapena egiteko asmoz. San Juan plazan bildu ziren, larunbat goizean, eta kartel-margoketa egin ostean, herriko txoko guztiak bete zituzten mezu batekin: "Zein polita den zu euskaraz entzutea".
Era berean, euskararen aldeko Korrika egingo dute bihar. Eguerdiko 15:00tan hasiko dira lasterka Derrigorrezko Bigarren Hezkuntzako ikasleak, Azkortetik, eta eskuz esku igaroko da lekukoa, Idiazabal kalean barrena. Ondoren, San Juan plazarantz joko dute hizkuntzaren aldeko korrikalariek, bertan, mezu sekretua irakurtzeko.