Ohiturek aginduta, Errege Magoen desfilea izango da urtarrilaren 5eko iluntzean. Hala, pajeak, antortxeroak eta boluntarioak behar ditu Urnietako Udalak, egun horretarako. Adinaren araberakoa izango zereginen banaketa eta hilaren 16ra arte dago izena emateko aukera, Lekaio kultur etxean edo jaiak@urnieta.eus helbide elektronikora idatzita.
Antortxero moduan, 2012-2015 urte bitartean jaiotako herritarrek parte har dezakete, bi urteak barne. Bestalde, 2007-2011 bitartekoak izango dira paje. Horrez gain, helduek ere laguntzeko aukera izango dute, boluntario gisa. Bada, interesa dutenentzat bilera irekia egingo da, abenduaren 18an, 18:00etan Lekaioko areto nagusian.