Bertso-afaria antolatu dute Urnietako Gaztetxeak eta Aiurrik, Altuna sagardotegian

Txotx-denboraldian bete-betean sartuta, bertso-afaria antolatu dute Urnietako Gaztetxeak eta Aiurrik, martxoaren 21ean, Altuna sagardotegian. Etxe gertukoak izango dira bi protagonista bereziak: Eli Pagolak eta Unai Gaztelumendik girotuko dute iluntzea. Gaurtik aurrera eta martxoaren 18ra bitarte, eskuragarri daude txartelak Kantoi zein Matxo tabernetan eta Aiurriko erredakzioan.