"Anbotoko Mari" familia-ikuskizuna izango da, Saroben

Aiurri 2025ko ots. 25a, 08:15

Antzerkia eta ikus-entzunezkoak uztartuta, "Anbotoko Mari" ikuskizuna taularatuko du Saroben Logela Multimedia konpainiak, martxoaren 16an. Lau sarrera zozkatuko ditu Aiurrik, parte hartzen duten harpidedunen artean. 

“Anbotoko Mari”’ antzerkia, bideo-animazioa, interakzioa eta musika biltzen dituen antzezlan multimedia da, 3-10 urte bitarteko haurrei zuzendua. 

Sinopsia

Gari, mutiko txoro bat, lagunekin haserretu eta bakarrik abiatuko da Anbotora. Mariren haitzuloan sartu eta harri magiko bat aurkituko du. Harria bertan uzteko esaten dion ahotsari kasurik egin gabe, lapurtu eta alde egingo du, harria lagunei erakusteko asmoarekin. Anbotoko Mari atzetik abiatuko zaio mendirik mendi eta Garik gero eta magia txoroagoak egingo ditu harriarekin, Marik harrapa ez dezan. Marik Tartaloren, iratxoen eta beste jeinu batzuen laguntza eskatu beharko du harria berreskuratzeko.

Fitxa teknikoa

  • Egilea: Logela Multimedia
  • Zuzendaria: Imanol Garaizabal
  • Dramaturgia zuzendaria: Sonia Villamor
  • Aktoreak: Eneritz Garcia, Unai Eleizalde eta Ander Garaizabal
  • Musika: Logela Multimedia
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!