Horrela, Urnietak sailkapeneko hirugarren postuari eutsi dio eta igoerako play offaren lehian seigarren sailkatuarekin duen aldea hiru puntura mantendu du.
Urnietarrek bolada bikaina daramate: Bost partida irabazi dituzte, jarraian
Eta fase erregularra amaitzeko 4 jardunaldi besterik ez dira geratzen. Liga amaiera emozioz beterikoa izango da, beraz.
Ahalegin handia, garaipen handia
Hasieratik, irundarrak erasokor zelairatu ziren defentsan eta erasoan asmatuz. Minutuak aurrera joan ahala urnietarrak finkatzen joan ziren eta euren jokoa erakusten hasi ziren, markagailuari buelta emanez eta atsedenaldira abantailarekin iritsiz (14-17). Bigarren zatiaren hasieran UKEkoek aldea handitu zuten 6 goleraino. Baina bolada txarra izan zuten. Zorionez, garaipenerako aukerekin iritsi ziren azken txanpara. Eta, azkenerako, bi puntu berri eskuratu zituzten (26-29).
Larunbat honetan, liderraren bisitaldia Urnietara
Don Pedro Hondarribia Bidasoa taldea multzoko liderra da eta asteburu honetan Urnietako kantxan ariko da. Arratsaldeko 18:00tan hasiko da partida.