Kongresutik, bideo baten bidez, egin du iragarpena Vaquerok berak:
Urnietarra izango da, alderdiak ohar bidez nabarmendu duenez, Kongresuko Euskal Taldeak buru izango duen lehen emakumea. "Ohore bat da", adierazi du bideoan. Kargua arduraz hartu eta beteko duela esan du, segidan.
Ibilbide luzea politikagintzan
"EAJ-PNVren Gipuzkoako diputatu karguan hasi da legealdi honetan. Aurretik, Euskal Taldeak Senatuan duen taldean izan da bozeramailearen ondokoa bi legealditan, bai eta eusko legebiltzarkidea, Elkarbizitza eta Giza Eskubideetarako zuzendari Gipuzkoako Foru Aldundian, Gipuzkoako Batzar Nagusietako batzarkide eta Urnietako zinegotzi". 2023ko Udal hauteskundeetan Larraulgo zinegotzi izendatu zuten eta, ia agintaldiaren erdialdera iritsita, karguari eusten dio.
Urnieta bazterrean utzi gabe
Politikagintzan Espainia mailan ari bada ere, Urnietan bizitzen jarraitzen du eta oso integratuta dago udalerriko gizarte eta kultur bizitzan. Besteak beste, Egape Dantza Taldearen martxan.