Bestalde, Arantzubiko aldapan, arrapala mekanikoak jartzeko obraren lehiaketa onartu zen, EAJ-ren eta PSE-EE-ren aldeko bozkekin. Erabaki horretan, berriz, EH Bildu abstenitu egin zen.
Lasarte-Oriarako bide berria eraikitzeko gauzatzen ari diren obrari dagokionez, proiektuaren eta kontratuaren aldaketa onartu ziren, Gobernu taldearen aldeko bozkekin eta oposizioaren kontrako bozkarekin. Izan ere, Urnietako Udalak prentsa ohar bidez adierazi bezala, "indusketa egin zenean, harri-lubeten zimenduaren zorua uste baino sakonago agertu zen, eta indusketa handiagoa egin behar izan da". Hori horrela aldaketa horrek 209.907 euro gehitu ditu obraren kostura. Hasieran, Urnietako Udalak hartuko du beregain gastua, eta, etorkizunean, Babilonbiako hirigintza proiektuari erantsiko dio.