Ander Goikoetxea. Argazkia: UKE.
Donibane 41-34 Urnieta
Pasaitarrak ziren faborito nagusiak. Larunbateko partida erritmo biziarekin hasi zen, non erasoek defentsak gainditu zituzten. Minutuak aurrera joan ahala, erritmoak ez zuen behera egin, baina pasaitarrak izan ziren abantaila hartzen lehenak, eta atsedenaldira gol bateko aldearekin iritsi ziren (19-18). Abiadura altuak bigarren zatiaren hasieran jarraitu zuen, eta minutuak aurrera joan ahala UKEkoek akats gehiago egin zituzten eta, ondorioz, etxekoek 4-5 goleko aldea lortu zuten. Urnietarrak errenta murrizten saiatu ziren, baina ez ziren etxekoen erasoa geldiarazteko gai izan.
Alex Gago. Argazkia: UKE.
Urnieta 26-23 Ordizia
Igoera liga jokatzeko aukerarik gabe, helburua laugarren postua lortzea zen. Igandeko partidak finalaurrekoak baino erritmo motelagoa izan zuen, bi taldeei nekea nabari baitzitzaien. Partida oso parekatuta hasi zen, lehen zati ia osoa berdinduta mantenduz eta atsedenaldira berdinduta iritsiz (12-12). Markagailua ez zen aldatuko bigarrenaren hasieran, bi taldeek garaipena nahi zuten arren. Partida amaieran UKEkoek 2 goleko aldea hartu zuten eta, Ordiziarrak saiatu ziren arren, urnietarrek errenta baliarazi eta garaipena lortu zuten.