Informazio-karpak ipiniko ditu Urnietako Udalak, aurrekontu parte-hartzaileei begira

Aiurri 2025ko mai. 14a, 10:16

Joan den astean eman zion hasiera Urnietako Udalak aurrekontu irekien partaidetza-prozesu berriari: azken urteetan bezala, aurten ere herritarren esku izango dira aurrekontuaren 150.000 euro, etorkizunean herrian gauzatuko diren proiektuak zein izango diren erabakitzeko. Eskaerak sartzeko edota zalantzak argitzeko informazio-karpa ipiniko da maiatzaren 16an eta 17an.

Lehen fasean dago murgilduta egitasmoa, eta, beraz, zabalik da proposamenak egiteko aukera: herrian ipinitako kutxak erabilita, APP-etik edota webgunean sartuta. Informazio-karpetan ere ekarpenak jasoko dituzte:

Maiatzak 16

Etxeberri plaza: 10:00-14:30.
Zubitxo plaza: 17:00-20:00.

Maiatzak 17

San Joan plaza: 10:00-14:30.

Gizartea Urnieta

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!