Aurkezleak Sandonisekiko hitz goxoak eta hunkigarriak hartu ditu ahotan. “Uztailean joan zen, eta hutsunea handia utzi zuen gure bihotzetan. Emakume indartsua, langilea eta alaia zen, oso alaia. Iazko Urniertan Dantzan edizioan gurekin izan zen, irribarrea galdu gabe. Maria, zauden tokian zaudela, goza itzazu zuretzat bihotzez prestatutako bertsoa eta dantza”.
Era horretan, Naroa Agirre Egapeko dantza ohi eta bertsolariak, berak sortutako bertsoa abestu du. Eta ondoren, Plus taldeak sortu duen koreografia berezia, "Eguzkilore" izenburukoa dantzatu dute plazan bildu diren diren dantzari guztiek.
