Bertsoak eta dantzak bat egingo dute, Egape Dantza Taldeak ekainaren 15ean oholtzaratuko duen emanaldian: "Hitzak Dantzan". Saroben egingo dute hitzordua arratsaldeko 19:30ean. Lehenago, ordea, zer gozatua ere izango da, helduen taldeak emanaldia egingo baitu, 18:30ean.
"Hitzak Dantzan" emanaldirako, sarrerak beharko dira eta horiek eskuragai daude, gaurtik hasita, 2KN kafetegian, 3 euroko prezioan. Hitza eta mugimendua uztartuko dituzte oholtzara aterako diren 49 dantzariek, ikasturte osoan landutako hamasei koreografiaren bidez.
