Aukera dago, jada, igerilekuko bonoak erosteko: bazkide ez diren erabiltzaileen kasuan, banakako bonoak 57 euro balioko du, eta familiarrak, aldiz, 115 euro. Horrez gain, 10eko bonoak erosteko aukera ere ematen du zerbitzuak: 21 urtetik beherakoek 39
euroan eros dezakete bono hori, eta 21 urtetik gorakoek, berriz, 63 euroan.
Egun bakarrerako txartelen kasuan ere, adinaren arabera ezarritako bi prezio izango dira: 4,40 eurokoa izango da 21 urtetik beherakoentzat sarrera; 21 urtetik gorakoentzat, 7 eurokoa.
Igeri egiten ikasteko aukera
Uztailean, igeriketa-ikastaroak izango dira, astekako zerbitzua eskainita: igeriketa aurreratuko klaseen ordutegia 11:00-11:35 izango da eta hastapen mailako klaseak 11:45- 12:20 bitartean emango dira. Kostuari dagokionez, asteko prezioa 59,87 eurokoa izango da Buruntzaldeako bazkideentzat eta 119,76 eurokoa bazkide ez direnentzat. Izen emateko epea ekainaren 2an irekiko da. Informazio gehiago nahi dutenek kiroldegiko harrerara dei dezakete: 943008328.