Hasiera batean, beregain hartu du Urnietako Udalak eraikuntza-lanen kostua. Dena dela, ondoren, Babiloniako 32 HIE eremuaren jabetzari jasanaraziko zaio, aurretik sinatutako hitzarmenaren arabera: orotara, 1.261.001,97 euroko kostua izan du obrak.
Zabaletako bizilagunak
Hari horri tiraka, urte luzez, hautsak harrotu ditu bertako bizilagunen artean gaiak. Horregatik, beraiekin
harremanetan jarri da Aiurri, beren iritzia jasotzeko. Horietako batek adierazi duenez, "errepide zaharrera sartzeko zatiak estua dirudi eta gaizki bukatuta dago". Era berean, aldapan dauden semaforoak kentzea nahi du, baita kutxatila-estalki bat konpontzea ere, "oso baxu baitago, eta zarata handia egiten baitu, herriaren erdiguneko errepidearekin bat egiten duen sarbide zaharrean".
