Kirolariek, aurrez, Euskal Herriko Azkartasun Ligaxkan (Goiatzen, Etxalekun nahiz Hernanin) lortutako emaitzei esker eskuratua zuten txapelketarako txartela, Almitza Sega Elkarteak antolatuta.
Bavariako txapelketan, gizonek ehun metro koadroko belardian jardun behar izan zuten. Emakumeek, berriz, 35 metro koadrokoan. Txapelketan azkartasuna nahiz txukuntasuna hartu zituzten aintzat.
22 segalariek osatu dute Euskal Herriko selekzioa: Josu Mendizabal, Migel Mari Jauregi Altzo, Maide Garmendia, Beñat Aiestaran, Lorea Zunzunegi, Julen Gabirondo, Izadi Arrospide, Jokin Garmendia, Inge Goikoetxea, Amaiur Arrospide, Xuban Gartzia, Pabi Astondoa, Mari Olazar, Alaitz Imaz, Izar Mendizabal, Sheyla Sarasola, Luixa Uzkudun, Manex Olaiz, Bixente Mitxelena, Mikel Lizartza, Oier Urkola, eta, Harri Mitxelena.
Euskal Herriko lau ordezkarik eskuratu dituzte dominak. Emakumezkoen atalean, Hernialdeko Alaitz Imazek eskuratu zuen bigarren postua; aldi berean, gizonezkoetan, Oiartzungo Manex Olaiz hirugarren geratu zen. Bestalde, 14 eta 18 urte bitarteko segalarien artean, Leaburuko Izadi Arrospidek urrea irabazi zuen; Gazteluko Inge Goikoetxea hirugarrena izan zen proba horretan.
Julen Gabirondok, bikain jardun arren, ez zuen dominarik lortzeko aukera eduki.