Orotara, lau helburu ditu hitzaldiak: batetik, eskura dauden etxebizitza-aukerei buruzko informazio "argia eta zehatza" ematea, "kasu bakoitzerako erabaki arduratsuak eta egokiak hartzea errazteko". Bigarrenik, gazteei etxebizitza alokatzeko eta erosteko dauden laguntzei buruzko informazioa ematea, "independizatu nahi duten gazteen finantza-karga arintzeko". Hirugarrenik, gazteei erabaki informatuak hartzeko "beharrezko tresnak eta informazioa" ematea. Eta, azkenik, gazteei "espazio bat" eskaintzea, etxebizitzari edo emantzipazioari eragiten dion beste gairen bati buruzko galderak egiteko eta zalantzak argitzeko.
Aldez auretik izena eman beharko da, Urnietako Udalaren webgunean edota aplikazioan.