Ezin izan du Gipuzkoako pilota-txapelketako 3. mailako txapela jantzi Imanol Odriozolak eta Ander Ezenarrok osatutako bikoteak. Larunbat goizean izan zuten partida, eta adin guztietako zaleak gerturatu ziren Urnietako udal pilotalekura. Kontuak, ordea, ez ziren desio bezala atera: 22-7 galdu zuten urnietarrek Zestoako Sasiain-Olaizola bikotearen aurka. Dela dela, 2. mailara igotzeko txartela ziurtatuta du Urnietako bikoteak.