Omenaldi beroa, Bizikidetzarako Herritarren Taldeari

Aiurri 2025eko abenduaren 11

Orain ia hamarkada bete sortu zen Urnietan, Baketik fundazioa lagun, Bizikidetzarako Herritarren Taldea, memoria, bizikidetza eta bakea lantzeko kezka partekatu batetik abiatuta. Bada, atzo, taldeak egindako ibilbideari aitortza egiteko, ekitaldia egin zuen Urnietako Udalak, areto nagusian. Bertan izan ziren omenduak, Mertxe Estebez, Joxpi Lasa eta Rosa Elosegi, bai eta Baketik fundazioko ordezkariak ere. Era berean, udaletxean ordezkaritza duten hiru alderdietako kideak ere hitzorduan izan ziren.

Herme Gonzalez PSE-EEko buruak zein gobernu-taldeko kideak gidatu zuten ekitaldia, eta, bertan, Jorge Segurado alkateaz gain, hitza hartu zuten hiru alderdietako kideek, guztiek, Bizikidetzarako Herritarren Taldeari begirunea adierazteko. Baketik fundazioko kideek ere esker hitzak izan zituzten, bai eta hiru protagonista bereziek ere: ibilbideari errepasoa egiteaz gain, etorkizunera begirako erronkak izan zituzten hizpide. Jarraian, oroimen-plaka eta lore-sorta banatu ondoren, Agurra dantzatu zien Egape Dantza Taldeko Naroa Exposito Ibarbia dantzariak, Txanbolin txistulari bandako kideak lagun.

Irakurri kronika, osorik, datorren asteko zenbakian

Gizartea Urnieta

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!