Bi egun horietan, hainbat txokotatik etorritako adituak lehiatuko dira hurrengo kategorietan: 3x3, 2x2, 4x4, 3x3 Blindfolded, 3x3 One-Handed, Clock, Pyraminx, Skewb eta Square-1. Martxoaren 28an, egun osoan zehar arituko dira, eta 29an goizean. Arratsaldez, tailer ireki bat eskainiko da herritarrak Rubikera hurbiltzeko. Saioa 16:00etatik 17:30era izango da, eta parte hartzaile bakoitzak bere rubik kuboa eraman beharko du.
Bestalde, bertaratzeko aukera ez duten herritarrek txapelketa zuzenean jarraitzeko aukera izango dute.