Eskolako Agenda 2030 ekimenari lotuta, Lehen Hezkuntzako eta Derrigorrezko Bigarren Hezkuntzako gazteek kultura-aniztasunaren gaia jorratu dute azken bi ikasturteetan. Aditzera eman dutenez, Egapeko Lehen Hezkuntzako ikastetxean, 16 herrialdetan jatorria duten familiak daude, eta 11 hizkuntza hitz egiten dira. Herriko kultura-aniztasun hori islatzeko horma-irudi bat egitea adostu zuten ikasleek, eta ekimena martxan jartzeko, Carlos Ramirez muralista eta guraso urnietarraren laguntza izan dute. Haren ekarpena funtsezkoa izan da, hormaren aukeraketan, diseinuan eta margoketan.
Egape Ikastolako eta Salestarrak Magale Ikastetxeko ikasleek horma-irudi bat margotu zuten maiatzaren 28an, “Kultura aniztasuna aberastasuna da” lelopean. Horma Santa Leocadia kaleko igogailuaren ondoan dago.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!