Eskaera egiteko hauxe da aurkeztu beharreko dokumentazioa:
- Eskaera orri normalizatua.
- Beste dirulaguntzaren bat eskatu balu, horri buruzko aitorpena.
- Euskaltegiak ikastaroa amaitutakoan egindako ziurtagiria. Ziurtagiri horrek honako informazio hau jaso beharko du: ikaslearen asistentzia, ordaindutako matrikula, hasierako eta amaierako maila, eta ikasleari HABEren dirulaguntza dagokion ala ez.
- Era berean, dirulaguntza eskatu duen pertsonak egiaztagiri egokia aurkeztu beharko du, euskaltegiko matrikularen zenbatekoa berak pertsonalki ordaindu duela frogatzeko.
- Langabeei zuzendutako dirulaguntza jaso ahal izateko, langabetzat hartuko dira gutxienez 30 egunez jarraian langabezian egon direla egiaztatzen dutenak, ikastaroaren matrikula formalizatzen den egunetik ikastaroa amaitzen den egunera bitartean.
- Langabezia-egoera eta eskatutako gutxieneko iraupena egiaztatzeko, lan-bizitzaren txostena edo Lanbidek emandako ziurtagiria aurkeztu beharko da. Dokumentu horretan argi eta garbi jaso beharko da pertsona enplegu-eskatzaile gisa izena emanda egon den aldia.
Xehetasun guztiak Urnietako Udalaren webgunean kontsulta daitezke.